Мағжанға анасы туған күніне доп сыйлады. Доп болғанда қандай? Көздің жауын алғандай қып-қызыл. Мағжан добын ойнауға қимады. Допты суға салып жуды, кептірді. Шыдамы жетпеді, аулада ойнап жүрген балаларға барып қосылды. Өзгелерден бұрын допқа Дәулеттің көзі түсті: -Қандай әдемі,қайдан алдың? Екеуі бөлектеніп тұрғанын көрген балалар да жетті. Бәрі допқа қызыға қарады. Мағжанның добын жер-көкке сыйдырмай мақтады. Жақыпбек: -Мағжан,добың менің добыммен үлкендеу екен. Талапбек: -Жақыпбектің добына қарағанда сенікі қызылдау көрінеді. Бұған масаттанған Мағжан допты футболшыларға ұқсап жерге қойды да, өзі шегініп барып, бар пәрменімен теуіп кеп жіберді.Бәрінің күткені де осы сәт еді. Шулап допты қуа жөнелді.

будан не керек жаксы ангиме екен